يمه تعالي واجلســــــي عنــدي الحين
سمعي كلامي ليـــــن اخـــلص كلامي
ان كان ضيــق الوقت مـــا سدد الدين
خلــــــي جــــروحي تندمل في عظامي
والله ذا طبـــــعي يمه مــن الفيـــــــن
اكتـــم معـانـاتي مـع وقت حامــــــــي
لا وقتي يفصـح لي عن اليسر واللين
ولا قلبي يفـــصح له على جرح دامي
يمه حلمــــت بحلم وابغـــــــيك تدرين
فـــــوق السفينه ابتـــدا حلــــم غامي
والعتــــــم قـــرر ما جعل نجمه يحين
وما بان حد البحـــــــر من ليل هامي
غير الســـــفينه ضوها وحده يبـــــين
وفوق السفينة كوم بعض الحـــطامي
وكـني كــــبرت سنين وسنين وسنين
وشفت جنـــبي صـــــاحبه من قدامي
وجـــــه جميل ويبــعث الطيب والدين
نادت باســـــــــمي قبل ارسل سلامي
قالـــت لي وديني الى الشاطي الحين
ولهت لاصحـابي واهـلي وغــــرامي
رديت من حزني وانـا اقــول تكـــفين
خليني حــــــرة مثل طــــير الحمامي
اهـــــيم في بحري وابعـد عن الشين
شين القـــــلوب الحــاقده عالمرامي
بالله خــــل نبـحر . قالت : على وين
رديت : ابغى اضيع وسط المـحامي
مرت علي دمعة طاحـــت من العين
وصادفت بسمة على ثـــــغر ضامي
امر غريب وزاده الغــــــرب بعدين
لما ابتسمت وداعــــب الريح ثامي
رفعت راسي ومال ثغري على السين
غمضت عيني زود وجد(ن) سطامي
يمه تـــرا اقصد من الحلم شيــــئين
قربك بغيتــــه لجــــــل يبعد فصامي
كلن يا يمه شاف نفسه عن الــزين
وكلن خلع ثـوب النقــــــا بالحرامي
وابغيك يا يمــــه اذا ضعت تضـوين
لجل الدروب تبان وسط الظــــلامي
يمه انجرحت كثير من ناس ميتيــن
مات الشــــعور وطالبـــوا بانعدامي
والله لو يدرون عنــــي المجـــــانين
قالوا ابا ارحل وانت اجلس مقــامي
ماهمني المركب رايح علـــــى وين
كافي يهمني مارجع للمــــــــــرامي
موضوع: ماهمني المركب رايح على وين 
الأحد يناير 10, 2010 3:51 pm
